1740/2022-2023

Dated Serchhip, the 29th August, 2022: Vawiin khan Serchhip DC Meeting Hall ah kan hma lawk September ni 5 a lo thleng tur Zirtirtute Ni (Teachers’ Day), 2022 Serchhip district a hman dan tur relin Pi Nazuk Kumar, IAS, bawrhsap hovin an thukhawm.

Pi Nazuk Kumar chuan, Zirtirtute Ni hman dan tur rela kan thutkhawm rualin vawiin hian kan district chhunga zirtirtu hnathawk pawl hrang hrang hruaitute nena inkawmna hun tha kan nei ka lawm hle a. Teachers’ Day chungchang bakah kan district a zirna chungchangte kan sawiho nghal dawn a ni, a ti.

Meeting hian Zirtirtute Ni chu sikul tinin zirtirtute chawimawina lam programme anmahni remchan danin lo hmang mai se tha an ti a. Serchhip khaw chhungah Banner pali tar ni se, bawrhsapin he ni puala thuchah mipuite hnenah siamin, Cable TV leh Social Media ah te thehdarh ni se, an ti a a ni. National Fund for Teacher Welfare (NFTW) lakkhawm dan tur pawh an ruahman nghal bawk.

Zirtirtute Ni hman dan tur an sawiho hnu hian district chhunga zirna dinhmun hrang hrangte sawihona an hmang zui leh a ni.