3243/2022-2023
Aizawl, the 13th January 2023: Department of Sericulture chuan Technical staff zawng zawng district tin a mi te kokhawmin kumthar atana intuai tharna vawiin khan Sericulture Department Conference Hall, Directorate of Sericulture, Chaltlang, Aizawl ah an hmang a. He hun hi Pu C. Lalrosanga, Secretary, Sericulture chuan a hmanpui a ni.

Secretary chuan Technical Staff kal khawm zawng zawngte fuihna a nei a. Pangang khawi chu hun rei lo te a thar chhuah theih mai a nih piah lamah a hralhnaah harsatna awm silo a ni a ti a. Sericulture Farmer's ten pangang thiam taka an khawi theihna turin technical staff te chu theihtawp chhuah turin a fuih a ni.

Pi Laltanpuii Special Guest pawhin a tawn hriat atanga sawiin Pangang chaw huan tur a siam dan te, silk puan a tah dan leh ZOZIA silk dawr a neih dan te a sawi a, sericulture chu Mizoram tana a that thu leh department kal chhohna zel turah hmabak eng tak sericulture department in a neih thu a sawi bawk.

Pu V. Zothansanga, Director, Sericulture Department in Sericulture dinhmunte sawiin District tin hmalak dan leh hmasawnna report a pe a, District tinte nasa leh zuala hma la theuh turin a fuih bawk. Pu Lalrinawma, Joint Director in Sericulture Project kal pui tawh leh kal pui mek hmasawn dan te a sawi bawk.

Dr. Lalthlamuana Pachuau, Sericulture Scientist-in maimaw pangang siam hun, Farmers hnena pekchhuah hun leh cocoon thar hun thleng hriattur pawimawh leh kaihhruaina (crop schedule on silk worm rearing) Department tana pawimawh tak tak a sawiin kawhhmuhna hmang bawk a ni.

District tin atangin an hmalakna te report na neih ani bawk a, he hun hi hlawk taka hman a ni.