3243/2022-2023
Mamit 13th January, 2023 : Vawiin khan District Information & Public Relations Office, Mamit-te leh Mizoram Journalist Association, Mamit-te chuan DIPRO, Office Chamber-ah Kumthar inhlantharna leh thingpui inhona hun an hmang.

He hun hi Pu Paul Rokima, DIPRO chuan kaihruaiin DIPRO te leh MJA te thawhhona tha an neih chu chhunzawm zel turin MJA members te a sawm a, kan thawhhona ti tha zel turin kan inpuih tawn theihna kawng awm ang angah te lungrual taka kan kal tlan a tul thu leh mipui te'n keimahni-ah rinna an ngah theih nana kan tih tur (duty) kan hriat thar leh theuh a tul thu a sawi bawk.

Pu C. Lalramdinzela, President MJA, Mamit pawhin kumthar inhlan tharna hun tha tak an nei chu lawmawm a tih thu sawiin, ruahmanna siamtu DIPRO chungah lawmthu a sawi a. MJA leh DIPRO te inpawhna leh thawhhona tha an neih chu chhunzawm zel a duh thu a sawi bawk a ni.