Vawiin khan Sericulture Department leh Fisheries Department changtu Minister Dr.B.D.Chakmapisahawnna leh department hotute nena inkawmna neih a ni.

He hun hi Pu C.Chawngkunga, General Secretary, MPCC in kaihruaiin, Rev. Lallianpara’n hunserh hmangin a hlan a ni.

Minister chuan Mizoram mipui tan thawk tura politics a lut a nih thu sawiin, Minister of State dinhmun hial luah theia a awm chu lawmawm a tih thu leh theihtawp chhuah a tum thu a sawi a. Hmalakna leh hmasawnna chhinchhiahtlak leh ngialnghet tak nei tura inlungrualna leh in zah tawnna nen a an thawh ho a beisei thu a sawi a. Department hnathawkte chu discipline tha tak vawng tura chahin, file pending lo zawnga tan la turin a fuih bawk.

Pu C.Lalthankhuma, Secy. Sericulture Dept., Pu K. Thanzama, Secy. Fisheries Dept. leh Department pahnih Director ten Department hmasawnna, hmalakna, harsatna leh tan lak ngaihna lai te sawiin, mipuite tana theihtawp chhuaha hnathawk turin an in fuih thar bawk.