No.7287/2020-2021

Vawiin chawhma khan Pu H. Lalthuamluaia, Secretary, Sericulture Department, Govt. Of  Mizoram chuan Govt. Mulberry Seed Farm , Farm Veng, Lunglei ami chu  a hmun ah a tlawh. Secretary hi Pu B. Lalchhuana, District Sericulture Officer, Lunglei leh a thawpui ten an tawiawm ani.

Pu B. Lachhuana chuan GMSF, Lunglei  dinhmun tarlangin  hmalak a ngaihna leh  harsatna an neih te Secretary  hnenah a thlen a, GMSF hi Lunglei District ah chuan pangang chi tha siam chhuahna hmunpui ani a, farmer te pek tur chi tha neih a ngai a, chuvangin tuna Mulberry plantation hi a upat lutuk tawh avangin tuai thar a ngaih thu a sawi. Vanya sector-ah hmasawn theih na tur leh farmer ten tun aia tam cocoon an thar chhuah theih nan Kessaru tiak nuaikhat awmtheihna  tur in nursery siam a ngaih thu a thlen bawk. Som plantation pawh kum 2015 khan kung 300 phun ani a, tun ah pangang khawinan a hman theih tawh in  technical staff leh farmer te training nei nan a tangkai hle ani ati.  GMSF tihchangtlunnan tui dahkhawlna tanky, quarter sakthat, Rearing House hlui tawh sak that leh tui lakna tha bakak leitha dahna te siam sak turin a thlen  bawk ani.

Secretary chuan Sericulture Department hi Mizoram tan inghahnatlak a siam a ngaih thu sawiin, ataka kalpui theih anih chuan ram sum leh pai dinhmun pawh a san phah aring ani. Sericulture hi mi taima tan chuan eizawnna tlak niin cocoon leh silk hralhna atangin sum tam tak a lak luh theih thu a sawi. GMSF tih changtlunna  tur hi hotute a lo sawipui  tur thu a sawi bawk ani. 

Govt. Mulberry Seed Farm hi 9 Acres a zau niin Mulberry, Som leh bul te chin niin Archangkawm (Kesseru) chin tura hmalak leh mek ani.

Secretary hian Zapui Zau Cluster, Kawmzawl ram ami chhungkua panga ten  hmalakna pawh ahmunah a tlawh nghal bawk ani.

Attachment

  • Loading attachment...