Nimin khan Parliamentary Secretary to Chief Minister Pu Lal Thanzara chuan Serkhan to Bagha Road laih zauh hna thawh mek chu a hmun ah kalin a tlawh a. Parliamentary Secretary hi SE, PWD Pu C. Lalrinawma, Pu Zothansanga, EE PWD Kolasib leh Pu Lalrinawma ASO cum SDC Kolasib ten an tawiawm a ni.

Nimin leh tukin zing khan hmun hrang hranga kawng laih hna te an en a, Bukpui, N. Hlimen leh Saiphai ah te chuan khawtlang hruaitute ten inkawmhona hun tha tak neiin diversion chungchanga harsatna awmte, kawng laih hautakna lai bik te leh mimal ram kawngin a tan tlang tur leh huan ram leh thlai kawng laih in a tihchhiat compensation chungchangte an sawi ho a. Pu Lal Thanzara chuan khawtlang hruaitute hma lakna avanga hmun tam taka harsatna awm maih loa kawng laih hna a thawh thei chu fakawm tiin tan lakpui zel turin a sawn nghal bawk a ni.