Nimin chawhnu dar 1:00 khan BRC Hall Serchhip-ah Horticulture Department-in Serchhip khawchhung a serthlum ching hlawhtling ngei tura ngaihte hnenah serthlum (Mandarin Orange) chin dan an zirtir. He hun hi Horticulture Demonstrator Pu C. Lalhmangaiha chuan kaihruaiin Pi F. Zorinsangi Asst. District Horticulture Officer chuan serthlum chi thar ching tur thlan chhuahte hi Power point hmangin zirtirna a pe a, serthlum ching tura thlan chhuah te an kal tha hle. Inzirtirna neih a nih zawh hian zawhna leh chhanna hunte an hmang nghal a, huan neitu ten hlawkpui an inti hle a ni. He Pilot Project hnuai-a serthlum ching hlawhtling ngei tur a ngaih chhungkaw 84 te hian an project hnuai-ah serthlum Budded -200 leh leitha bakah thil dang an mamawh tur te an dawng nghal bawk a. Tin an hmanraw dawn te hman dan leh enkawl dan te nen an zir tel nghal bawk a ni.