NLUP hnuaia Serthlum chi tha ngei supply dan tur ruahmanna Pu Liansailova, Minister i/c Horticulture hova thurel bawhzuiin Mizoram District hrang hranga Serthlum Nursery enfiahna karhnih hmalam khan neih a ni a. Hemi bawhzuina atan hian vawiin 21st May, 2013 hian NLUP Conference Room-ah Pu PL Thanga, Vice-Chairman, NLUP Implementing Board kaihhruaina in Mizoram Nursery neitute in hmuh khawmna an nei a. District tina Serthlum Trade thlang tute tana Serthlum chi tha sem dan tur ruahmanna an siam fel ta.

Serthlum chi hriat chianloh NLUP Beneficiaries te kutah a luh tawh lohna turin ruahmanna kimchang zawk buatsaih a ni. Tin, 2014-2015 atana Serthlum chi tha mamawh zat tur thlirin kum thar atana Serthlum thachi chin dan tur nursery neitute nen sawiho a ni. Tuna tang ni reiloteah Serthlum Trade thlangtu zawng zawngte hnenah Serthlum tiak sem turin ruahmanna siam rualin kum thar atana ruahmanna pawh chinfel a ni.