Mizorama Helicopter operation chungchang-ah Aviation Wing chuan a hnuaia mi ang hian Press Release an chhuah:-
‘Mizoram Sorkar chuan Public Service (mipuite chhawk zangkhai tur) atan tangkai taka hman turin Pawan Hans Helicopter Ltd. nen inremsiam in Mizoram-ah 20th August, 2012 atangin Helicopter hi service tir a ni ta a. Hemi atan hian MHA in Dan a lo siam angin a senso (expenditure) 75% chu MHA in pek tura tih a ni a, 25% chu State Sorkar in a turn tur a ni. Helai awmzia hi hrilhfiah deuh a ngai a. MHA in 75% subsidy a pek hi NE States te tan chauh a ni. A chhan chu communication tha kan nei lova, bakah Hel pawl (insurgents) chetna hmun anih vang a ni. Helai chungchang thu hi kan hrethiamlo deuh thin nite pawh in a lang a. Tin, 18th May, 2013-a Rajya Sabha MP zahawmtak Pu Lalhmingliana leh Wg Cdr J. Lalhmingliana, Adviser MNF ten Press Conference an neih na-ah pawh sawi chhuah an nei nual a. Engemaw chen chu State Sorkar demna ang dawn dawn te pawh a ni. Hemi chungchang thu hi hrilfiah deuh tul a hriat anih avang in Mizo mipui ten an lo hriatfiah theih turin Press Release nan siam a ni ta a ni.
1. Helicopter service tur hian kum 2 atan a MOU Pawan Hans leh Mizoram Sorkar in sign phawt a ni a, heihi a tul dan angin kum 2 dang extend leh theih tura siam a ni.
2. Hiring charge hetiang hi a ni a :- (i) Fix Charge chu Rs. 49 lakhs ani a, hourly flying charge chu Rs. 60 lakhs per hour a ni bawk a. Thlakhata subsidy rate-a hman theih zat maximum flying hour chu 80 hours a ni. 80 hours aia tarn hman anih chuan 80 hours a khum na hi subsidies lova chawi tur a ni a. 80 hours chin hnuai lam chu a thlawh dan zat darkar ang zela chhut a ni. Entirnan : 50 hours hman anih chuan 50 hours min charge mai a ni. Helaia kan MP zahawm takin 80 hours hmantlin loh pawhin 80 hours an bill tho a ni a tih hi hriatsual palh a ni ang, hetiang hi a awm lo. (ii) Engemaw vanga Pawan Hans lam atanga operate theih loh. Entirnan : Thlawhna thalo, Air Crew lampang harsatna etc. te a awm chuan hemi hun chhung hi fix monthly charge -Rs. 49 lakhs atang hian chhut chhuah a, paih a ni. Amaherawhchu, khaw chhiat vang leh Pawan Hans harsatna lampang vang nilova, thil dang harsatna vang anih chuan Rs. 49 lakhs per month hi pek tho tur a ni.
3. Thlawhna hman man Bill hi thla tin a pek a ni lem lova, Press Release-a an han sawi ang Rs. 104.50 lakhs Sorkar in sum a neih loh vanga pek theih loh tih hi a dik chiah lova. Aviation Wing chuan Rs. 104.50 lakhs hi pek turin Treasury-ah a submit tawh ani a, Treasury pawhin he Bill hi a pass tawh a, amaherawhchu, State Sorkar-in K. Deposit ah a dah ta rih a ni. Tunah hian K. Deposit hi release tura hma lak mek a ni a, pek theih thuai beisei a ni. Tin, Rs. 104.50 lakhs hi thlakhat Bill a ni lova, operate tan ni i.e. 20th August, 2012 atanga 31st December, 2012 thleng Bill a ni.
4. 75% MHA tum tur leh 25% State Sorkar tum tur MHA in tihdan phung a siam chu hetiang hi a ni - Thlawhna chuan man (Air fare) thlakhat chhung a kan hmuh chhuah zawng zawng kha thlakhat chhung Pawan Hans Company hnena kan pek tur atang khan paih(minus) tur a ni a, chuta balance la awm chu 75% MHA in an pe anga, 25% State Sorkar in a pe thung ang. Entirnan : thlakhat Helicopter hman man chu Rs. 100 nise, chuan man atanga kan lak Rs. 20 ni ta se, Rs. 100-20 = 80/-a ni ta a, heta tang hian MHA in 75% (Rs. 60/-) a pe ang a, State Sorkar in 25% (Rs. 20/-) a turn ve thung dawn ani. Hemi avang hian MHA turn tur hi a tlahniam ta a, State Sorkar turn ve tur hi a sang ta thung a ni.
5. Helicopter chuan man bithliah hi mipui vantlang in tangkai taka hman tur anih avangin a tihsan vak thei lova. Tuna Fare structure kan siam hi reasonable tawk a kan ngaih a ni. A dang lehah chuan MHA hian subsidy pek ang hian commercial venture (hlawkna siam) atan hman tha a ti lo niin a lang a. Tin, hetianga mipui chhawr tangkai tur (well-fare) atan a hman anih avang hian State Sorkar pawhin engemaw tawk chu lo tum ve se a ti ni te pawhin a lang.
6. Helicopter hi passenger phurhna mai bakah casualty evacuation (damlo serious) phurhna atan life saving mission pawh tangkai taka hman a ni a, hetiang atan hian tun hun thleng hian vawi-18 hman a ni tawh a ni.
7. Pawan Hans Helicopter hi Meghalaya, Tripura, Assam leh Arunachal Pradesh te pawh in an hmang mek a. Manipur State pawhin hman ve an tum ni a hriat a ni.
8. Helicopter hi Pawan Hans nena agreement siam anih angin NE. States chhung bika hman tur a ni.
9. Hire na man tur hi tuna policy ang chuan Sorkar in Plan sum Aviation Wing-ah dah lawk a nei lova, amaherawhchu, “AS ON NEED” basis-a Sorkar-a dil zel tur a ni a, chuvang chuan thlatin pek a buaithlak deuha hriat anih avangin thla 3, 4 vel te in khawlkhawm a a lumpsum-a pek turn a ni.
10. Tih tawp leh tawp loh chhanchinbu mi ten an han zawh hi chu keinin engmah kan sawi thei lova, State Sorkar thu thu a ni.
Helicopter Service, ILS, etc. hi Politics hamthatna atan emaw, in beihna atan emaw hman chi a ni lova, Ram leh mipui te tan tak tak anih avang hian Air Force-a ka lo thawhpui thin Wg Cdr. Lalnghinglova leh Wg Cdr -J. Lalhmingliana te pawh in englai pawh a sawi hova hmasawn dan tur ngaituah tlan hi mirnal taka ka duh dan a ni. Hetiang atan hian ziak pawhin Air Force-a ka thawhpui te hi ka lo sawm tawh nghe nghe a ni.’
