Vawiin khan Chief Secretary Conference Room-ah khawpui thli leh hnawmhnawk paihkhawm atanga thil tangkai zawk siamchhuah dan tur Action Plan siam chungchangah Chief Secretary Pu Lalnunmawia Chuaungo kaihhruaiin meeting neih a ni.
Ni 27.11.2018-a National Green Tribunal thuchhuak angin State leh Union Territory tinah "Action Plan for utilization of treated water or sewage" neih tur a ni a, chu Action Plan chu Central Pollution Control Board-ah thehluh tur a ni bawk. Heihi bawhzuiin Mizoramah pawh Action Plan siam turin hmalak a ni.
Hemi chungchang ngaihtuaha thukhawm chuan tun dinhmunah Aizawl khawpuiin hnawmhnawk chungchanga harsatna hrang hrang a tawh mekte leh hmabak a harsatna awm theite an sawiho a. Action Plan-a telh tur pawimawh hrang hrangte an sawiho bawk a. Bethlehem Venga SIPMIU-in an buatsaih mek Sewerage Treatment Plant chungchang pawh chipchiar zawka sawiho a ni.
He thutkhawmah hian Environment, Forests & Climate Change Department-a PCCF te, UD&PA Secretary-te, PHE Secretary-te, PHE Engineer-in-Chief te, AMC Commissioner-te, Save Chite Lui Coordination Committee hruaitute, SIPMIU hotute leh Mizoram Pollution Control Board hotute an tel a ni.
Government of Mizoram
Government of Mizoram
Page Links: https://dipr.mizoram.gov.in/post/sewarage-treatment-action-plan-chungchangah-thukhawmp
SEWARAGE TREATMENT ACTION PLAN CHUNGCHANGAH THUKHAWM
INFORMATION & PUBLIC RELATIONS DEPARTMENT
SITE STATISTICS SINCE 2006
Total Visitors
1565539
Total Pageviews
1570622
Powered By Google Analytics
PRESS RELEASE ARCHIVES
This website belongs to DIRECTORATE OF INFORMATION & PUBLIC RELATIONS, Government of Mizoram, India.
Under SENHRI - e-Governance Web-Framework (eGWF)
Developed by Mizoram State e-Governance Society (MSeGS), Hosted by Department of ICT, Government of Mizoram
Under SENHRI - e-Governance Web-Framework (eGWF)
Developed by Mizoram State e-Governance Society (MSeGS), Hosted by Department of ICT, Government of Mizoram