Supply Minister Pu K.Lalrinliana chuan vawiin khan a department chan hnuai ami Legal Metrology office, Hunthar veng ami chu a tlawh a. Office hi kumin March thla a luah tan anih avangin office  inruahman dan te a endik bakah department hnathawh kalphungte a hmunah a zirchiang a, sumdawngte hmanraw endikna khawl chi hrang hrangte, laboratory te pawh fangin office staff te nen inkawmna hun tha tak a hmanpui.

Minister hian Legal Metrology hnathawh zingah quality endik ngaihpawimawh a tul zia sawiin building sakna atana hman tur balu quality hriat theih nan hmalak a ?ul thu a sawi a, officer mamawh belh anih dan leh staff indaihlohna phuhru tura sawrkar hmalakna hrang hrangte thlir ho a ni.

Minister hi Pu HL Rochungnunga IAS, Secretary FCS&CA leh Dr. Lalhriatzuali Ralte IAS, Director FCS&CA leh Controller of Legal Metrology ni kawp ten an tawiawm a ni.

Legal Metrology office hi Hunthar Veng, Aizawl-ah awmin tunah hian Joint Controller, Legal Metrology Pu Laldawngliana hovin an awm a, tunhnai khan sawrkarin MPSC kaltlangin Inspector 5 (panga)lakna order a ti chhuak  a ni.