Vawiin chawhma khan Health Directorate Conference Hall, Dinthar Aizawlah Directorate of Health Services hnuaia Officer leh staff ten "Sexual Harassment chungchanga inzirtirna leh hemi chungchang zirhona hun an hmang.

Kum 2013-a Sexual Harassment Act siam a nih atang khan Sawrkar laipui chuan theihtawpin hma a la chho zel a. Mizoramah pawh April 2014 atang khan Notification siamin he Act hi khauh taka kal chhohpui a ni tawh a. Hmeichhiate chungah mipat hmeichhiatna lam hawia mawi lo taka khawsakna a thlen lohna tur leh chutiang a lo awm a nih pawha a rang thei ang bera complaint siam a nih theih nan Department tinah Committee on Sexual Harassment of Women at Workplace hi din vek tura tih a ni tawh bawk a ni.

Committee on Sexual Harassment of Women at Workplace Act hnuaiah hian sawrkar hnuaiah chauh ni lo, private hnathawhna hmun, hnathawktu mi 10 chin awmna-ah tawh phawt chuan he committee hi din vek tura tih a ni. He act hian hmeichhia chauh huam lovin mipa te laka harsatna thleng thei te pawh a huam tel vek a ni.

Vawiina kalkhawmte hian zirtirna piah lamah sawihona hun te hmangin zawhna leh chhanna hunte hman ho a ni.

"Sexual Harassment" chungchanga inzirtirna  leh sawhona hun hi Dr.F.Lallianhlira Principal Director in a kaihruai a. Resource Person Pi Chuauzikpuii, DD(Rtd), Social Welfare hnen atangin Sexual Harassment leh a kaihhnawih chungchangah zirtirna ngaihthlak a ni. Resource Person Pi Chuauzikpuii, DD(Rtd) chuan Health Department te chu hemi chungchanga department anga hma la tha tak an ni a ti a. Hnathawhna hmunah te hmeichhiate chunga mipat hmeichhiatna kawnga hleilenna a thlen lohna turin sawrkar hnathawk zawng zawngte an tan tlan a ngai a ni a ti.

Dr.Eric Zomawia, Mission Director NHM, Dr.Lalremmawii Chairman Committee on Sexual Harassment of Women at Workplace, DHS bakah Dr Pachuau Lalmalsawma, SNO, IDSP te hnen atangin thusawi pawimawh tak tak ngaihthlak a ni bawk a ni.