No.3140/2021-2022
Aizawl the 25th November, 2021 : Vawiin khan Sinlung Hills Council (SHC) General Council Meeting neihah Pu Vanlalsiamsanga, kum 28, chu Deputy Chairman atan chuhtu awm lova thlan tlin a ni.

Pu Tlangchhanliana leh Pi Lalrinnungi fa pali zinga naupang ber Pu Vanlalsiamsanga hi Phuaibuang khua a piang leh seilian a ni a. Zirna lamah kum 2017 khan NEHU-ah MA (Pol. Sc) tha takin a zo a. Kum 2019-a Sinlung Hills Council General Election-ah 2-Phuaibuang Constituency atanga Independent Candidate-a thlan tlin a ni a. Pu Vanlalsiamsanga hi kohhran, khawtlang leh pawl hrang hranga mi tangkai tak, Sinlung Hills Council hmasawn zelna atana mi chhuanawm tak a ni.