No.3141/2021-2022
Aizawl the 25th November, 2021 :Lunglei DC Pu Kulothungan A chuan a hnuaia tarlan angin thupek dated 23rd November, 2021 a chhuah a ni.

Tunlai hian Mizoram chhehvelah leh Lunglei District-ah Vawk natna la leng mekin, Lunglei District ah vawk tam tak an thi tawh a. Heng natna hi a lo darhzau zel lohna turin leh a theih ang anga kan lo inven theih nan khapna thupek te pawh chhuah thin a ni a.

Tunah hian Lunglei District chhungah hri hian zia awm lam a pan zel tawh ni a hriat a ni a. Tin, Vawk vulhtute leh Vawk talh a eizawngte harsatna sutkian a nih theihna tura ruahmanna siam hi a tul ta bawk a.

Chuvangin, Order tihchhuah tawh No.C.15016/2/2020/DCL(C) DL 22nd October, 2021 luah KULOTHUNGAN A, IAS, District Magistrate, Lunglei District chuan Sec. 144 of Cr.P.C. 1973-in thuneihna a pek angin a hnuaia tarlan ang hian thupek thar a ti chhuak a ni.

1. Thenawm ram (Myanmar/ Bangladesh), State dang leh District dang atanga Vawk, Vawksa leh Vawksa atanga eitur siam reng reng lak luh leh thawn chhuah khap tlat a ni.

2. Lunglei District huam chhunga veng/ khua chhung Vawk nilo, veng/ khua danga talh tura lak/ lei a nihin a lakna veng/ khua VC Ieh YMA hriatpuina lehkha fel tak la in a talhna tur veng/ khua VC leh YMA ah an pe lut (Submit) thin tur a ni. Thu leh awm hma chu hei hian District chhung veng leh khua chauh a huam rih ang.

3. Vawk hrisel tha ni a hriatte chu VC hriatpuina a talh theih a ni ang a, VC ten Proforma fel tak hmangin a neitu hming, Address, Phone No. leh Vawk talh tur zat record fel tak an vawng tha ang a, a talhtu (Butcher) ten VC hnenah a hma lamin an report tur a ni.

4. VC ten tha an tih dan angin an veng/ khua chhunga Vawk talh dan tur leh talh hun chungchangah ruahmanna an siam thei ang.

5. Vawk talh tur te VC ten an enpui ang a, an veng/ khua atangin veng/ khua dangah an zuar chhuak tur a ni lo.

6. Vawk talhna/ Puahna hmunhma fel fai leh thianghlim taka vawn tur a ni a, vantlang hmun leh kawng kama talh leh puah khap tlat a ni a, hei hi veng/ khua tin VC/ YMA Vawk vulh/ Butcher leh Association dangte pawhin tha taka kengkawh tura beisei an ni.

He thupek hian Dt. 23rd November, 2021 atanga thu leh awm hma chu hman a nih atanga thla 2 (hnih) chhung a huam ang a. He thupek zawin lote chu Sec. 188 of I.P.C. hmanga hrem theih an ni ang.