2813/2024-2025
Aizawl, the 2nd November 2024: Aizawl District Election Officer Er Lalhriatpuia chuan a hnuaia tarlan ang hian General Election to Sinlung Hills Council, 2024 atan mipuite hriattirna pawimawh a chhuah.
General Election to Sinlung Hills Council, 2024 chu ni 5.11.2024 ah neih tur a ni a. Sinlung Hills Council, Aizawl District huam chhungah inthlanna felfai leh thianghlim a awm theihna turin leh State Election Commission in inkaihhruaina hrang hrang a siamte zawm a nih theihna turin vote thlak tawp hun dt. 5.11.2024 Dar 4:00 PM atanga chhiar leta darkar 48 chhung hian political party leh candidate te chuan a hnuai a tarlan te hi an zawm tur a ni ang.
1. Political party leh candidate te tan campaign neih phal a ni tawh lo.
2. Constituency pawn atanga campaign tura lo kal, chu constituency a vote nei si lo te chuan constituency an chhuahsan tawh tur a ni. Amaherawhchu hei hian candidate leh election agent te leh party office bearer, state in-charge a ruat te chu a huam ve lo vang.
3. Sec. 126A of the Representation of the People Act, 1951 in a sawi angin electronic Media/ Social Media leh a tlukpui dangte ah Election kaihhnawih, mipui rilru sukthlek tidanglam thei thilte tarlan/chhuah phal a ni lo. Tin, hemi chhung hian mipui ngaihdan lakna 'Opinion Poll' siam leh 'exit poll' (Vote thlak zote kawmna/zirbingna atanga inthlan result rinlawkna) neih loh tur a ni. Hei hian vote thlak tan hun atanga a zawh hnu darkar chanve thleng a huam ang.
Sec. 130 of the Representation of the People Act, 1951 in a sawi angin inthlan ni ah hian polling station atanga metre 100 huamchhung ah vote dilna anga ngaih thei thil reng reng tih phal a ni lo.
HRIATTIRNA - Election to Sinlung Hills Councils, 2024.pdf
