4657/2025-2026
2ND March, 2026: Tun hnaia Shillong-a Assam Regimental Centre (ARC) a Meningococcal Meningitis (Thluaka khawsik lût) natna ni a rinhlelh hrilêng chungchângah hian Integrated Diseases Surveillance Programme (IDSP), Directorate of Health Services, Mizoram chuan uluk takin thil awm dân a thlithlai reng a. Tûn dinhmunah chuan he natna hrilêng hi ARC bâk hmun dangah hmuhchhuah a la ni lo va, Meghalaya Sorkar pawhin theihtâwp chhuahin hri darh loh nân hmâ a la a, he hrilêng hi ṭaidarh lova control anih avângin Mizoram mipuite tân lo chîaîna tûr a awm lo tih kan inhriattîr a ni.
Tun dinhmunah he natna hrilêng hi Mizoramah hmuh la ni lo mahse, he natna chungchânga hriat tur pawimawh ṭhenkhat kan han tarlang ang e :
1. Meningococcal natna :
Meningococcal natna hi Neisseria menigitidis in a thlen a ni a, hei hian Meningitis leh Meningococcemia condition-te a thlen thei a ni.
2. Natna lanchhuah dân :
- Khawsik sâng lo awm thut
- Lu na nasa
- Nghâwng khawng
- Luak/Luak chhuak
- Taksa duk
- Taksa dâng leh taksa eng
- Nikhawhrelo
- Taksa khâwl hnathawk thei lo
3. Natna inkaichhâwn dan :
- Inhnaih taka awm/khawsak
- Khuh
- Hahchhiau
- Taksa aṭanga tuiril chhuak
4. A invên dân :
- Inrinhlelhna neih chuan rang taka Damdawi in pan
- Puipunnaa kal loh
- Mask vuah
- Khuh leh hahchhiauvin ka hup tur a ni.
- Kut sil ngun leh sanitizer hman tur.
He natna hi natna chhuak thar a ni lo va, Doctor-in a chawh antibiotic hmanga enkawl dam theih a ni.
Issued by
Integrated Disease Surveillance Programme (IDSP)
Directorate of Health Services,
Mizoram : Aizawl.
