2255/2024-2025

Aizawl 27th September, 2024 : Shri. Om Birla, Lok Sabha Speaker, CPA India Regional Chairperson chuan vawiin chawhma dar 11 khan Mizoram Legislative Assembly Library-a Archive Cell thar chu a hawng.

Archive Cell, Mizoram Legislative Assembly Library a hawn thar tak hi Pu Lalbiakzama, Hon'ble Speaker hmalakna-in Mizoram Legislative Assembly sum remchang ang ang te pawh khawma siam a ni. Document hlui pawimawh tak tak, District Council hunlai a mi te dah khawm niin uluk taka vawn a ni tawh dawn a. Mamawh hunah awlsam taka hman leh bih theih tura vawn thatna tur pindan a ni. 

Tarlan tawh angin Lok Sabha Speaker leh Parliamentarians (MPs/MLAs) thahnem tak Commonwealth Parliamentary Association (CPA) India Region, Zone III Annual Conference vawi 21-na hmang turin nimin atang khan Mizoram-ah an cham mek a ni. 

Kumin CPA India Region, Zone III Annual Conference thupui hi "Fostering the Legislative Sanctity" tih niin vawiin leh naktuk ni 28 September, 2024 thleng a awh ang. 

Archive Cell hawnna hunah hian Pu Lalduhoma, Mizoram Chief Minister, Shri. Harivansh Narayan Singh, Rajya Sabha Deputy Chairman, Pu Lalbiakzama, Hon'ble Speaker, Mizoram Legislative Assembly,  Shri. Sharingain Longkumer, Hon'ble Speaker, Nagaland Assembly & Chairman CPA, India Region, Zone III, Shri. Biswajit Daimary, Hon'ble Speaker, Assam Legislative Assembly, Shri. Biswas Bandhu Sen, Hon'ble Speaker, Tripura Legislative Assembly, Shri. MN Sherpa, Hon'ble Speaker, Sikkim Legislative Assembly, Shri. Tesam Pongte, Hon'ble Speaker, Arunachal Pradesh Legislative Assembly, Pu Lalfamkima, Hon'ble Dy. Speaker, Mizoram Legislative Assembly, Shri. S. Toiho Yeptho, Hon'ble Dy. Speaker, Nagaland Legislative Assembly, Shri. Timothy D. Shira, Hon'ble Dy. Speaker, Meghalaya Legislative Assembly, Smt. Raj Kumari Thapa, Hon'ble Dy. Speaker, Sikkim Legislative Assembly, Shri. Utpal Kumar Singh, Secretary General, Lok Sabha leh Shri. P.C Mody, Secretary General, Rajya Sabha te an tel a ni.