2256/2024-2025

Dated Aizawl the 27th September 2024 : Vawiin chawhma dar 10:00 khan National Institute of Electronics and Information Technology (NIELIT) chuan kumin a an zirlai tharte lawmluhna leh zirlai chhuak tur tithate chawimawina hun 'Freshers Social & Felicitation of Rankholders' chu Art and Culture Auditorium, Berawtlangah an hmang a. Pu Lalthansanga, Environment, Forest & Climate Change Minister, bialtu MLA ni bawk chuan khuallian niin he hun hi a hmanpui.

Khuallian Minister Pu Lalthansanga chuan zirlaite fuihna leh NIELIT- 'deemed university' a hlan kai an nih lawmpuina thute sawiin, eizawnaa nei tura thalaite tuihal zia a hmuh chuan a ngaihtuahna a tithui hle tih a sawi a. Zir chhuak mai turte chu Sawrkar policy Banakaih te ngaihven tura a chah bakah, an zir chhuah hnua an kawng zawh apiangah an duhthlanna uluk taka hmang turin a fuih a; Ram leh hnam tundin nan mawhphurna nei vek Kan nih thu a sawi bawk a. Minister hian NIELIT, 'deemed to be university' dinhmun a hlankai a ni chu a lawmpui rualin ngaihtuahna thui tak sen tula a hriat thu a sawia. Minister chuan tunlaiah, a hma lam a mahni kawng tur thlan uluk a, thiamna bik neih a tulzia ngaihtuahin, NIELIT-ah chutiang tura zirlaite chher an ni chu lawmawm a tih thu a sawi a, NIELIT hotute chu a theihna kawng apiangah NIELIT hmasawnna tura hmalakpui a tum tih a sawi nghal bawk a ni.

Vawiin a NIELIT a Zirlai tithate chawimawina hunah hian MZU hnuaia MCA, MSc (Electronics), BCA rankholders-te bakah, Mizoram State Council for Technical Education (MSCTE) hnuaia Diploma in Computer Science and Engineering Rankholders'-te leh Diploma in Electronics and Telecommunication Engineering Rankholders'-te chu chawimawina certificate hi hlan nghal an ni.

Mizoram University hnuaia rank holders:
MCA
1st- Lalhruaitluanga
2nd- Lalremruati
3rd- C Lalrinfela
4th- Lalawmpuii Zote
5th- Rampanzuala
6th- Lalrinsanga
7th- Lalremsangi
8th- Lalramsanga
9th- Andrew Ozukum
10th- Malsawmchhunga

MSc (Electronics)
1st- C Ramdinpuii Zorem
2nd- C Lalengzuali
3rd- FC Eliasa
4th- Rinsangpuia
5th- Vanmalsawma

BCA
2nd- Lalrindika
3rd- Anuj Ghimire
5th- C Lalthangliana

Mizoram State Council for Technical Education (MSCTE) hnuaiah:
Diploma in Computer Science and Engineering
1st- LT. Ropuia Chinzah
2nd- P.Jessy Zonunmawia
3rd- Lalruatzela
4th- Lalrindika

Diploma in Electronics and Telecommunication Engineering
1st- Amrit Chhetri
2nd- Russell Chakma
3rd- Amit BK
4th- Beipiekhai
5th- Benjamin Lalthazela
6th- H.Vanlalchhanchhuaha
7th- Zothanmawia

NIELIT Aizawl hi kum 2001 aṭanga din niin, Formal course (MCA, Msc, BCA, DETE leh DCSE) ah te hian mi 3065 zirtir chhuah (training) tawh niin. Non-Formal Course (O Level, A Level) ah mi 2953 training tawh an ni. Tin, short/term course (CCC, CAAPA, Cyber Security etc.) ah hian mi 65347-in zir chhuak tawhin, project hnuaiah mi 36385 te hnenah training hrang hrang pek tawh an ni bawk.

Tun hnaiah khan NIELIT hi UGC chuan Deemed University nihna a pe thar a. Main Campus hi Ropar, Punjab ah a awm ang a, NIELIT Aizawl leh Centre dang 10 te chu University off-campus unit an ni thung ang.

NIELIT Deemed University hnuaiah hian Diploma engineering, BCA, BTech, MTech, MCA, MSc (IT/Electronics) bakah PhD zirna thlengin a awm a. ST/SC zirlaite tan a thlawn vekin a zir theih a ni. NIELIT deemed to be university' hnuaiah hian um 2024-2025 Academic session ah hian Long-Term Course zirlai 450 leh Short Term zirlai 3118 an in enroll tawh a. Internship ti mek mi 40 awmin, startup 5-te chu chhawmdawlna (support) pek mek an ni bawk.