2257/2024-2025

Dated: Mamit the 27th of September, 2024 : Vawiin khan Govt Mamit College, Seminar Hall-ah  Mamit District Level Red Ribbon Quiz Competition - 2024 neih a ni a, Pu K.Lalnunfela, District Education Officer chuan telpuiin hawnna thu a sawi.

Pu K.Lalnunfela chuan District Level Red Ribbon Quiz Competition - 2024 buatsaih a nih theih nana ngaihtuahna sengtute zawng zawng chungah lawmthu a  sawi a. Zirlaite chu chawmhlawm ringawt nilo a, mahni intodelh a pawimawh a, kan bula awm, kan thiante leh midangte tana malsawmna kan nih theihna kawng awm ang angah te malsawmna thlentu ni tura rilru kan neih a tul thu a sawi a. District Level a champion-te State level-ah kan inlan dawn avangin Mamit District ti hmingthatu kan ni thei a ni tih rilru pu a, tha taka inbuatsaih turin zirlai kal khawmte a chah.

Vawiin vek hian Dr. Thanmawii, Deputy CMO chuan zirlai kalkhawmte hmaah AIDS chungchangah zirtirna a pe bawk a ni.

District Level Red Ribbon Quiz Competition - 2024 ah hian Middle School zirlai, High School leh Higher Secondary zirlaite tan inelna buatsaih niin Quiz Master hi Lalthazuali, Assistant Professor, Gov't Mamit College a ni.

Mamit District Level Red Ribbon Quiz Competition -2024 ah hian pakhatna New Mamit Secondary School niin pahnihna Govt Mamit Higher Secondary School an ni a, pathumna hi Govt Agape Middle School an ni bawk.

He hun hi Pi Melody Lalramengi, Sub - Divisional Education Officer chuan kaihruaiin, Pu K.Lalnunmawia, Hindi Education Officer chuan lawmthu sawina a nei a ni.