3821/2023-2024

Dated Siaha 14th February 2024: Vawiin chawhma dar 11 khan Pi Lalnunmawii, Addl.DC chuan a Office Chamber- ah Digital Seva, e- District Centre hawng.

Pi Lalnunmawii chuan Siaha mipuiten tangkai taka an hman theih turin e- District Centre- chu lawm takin a hawng tih a sawi a. Harsatna tam tak avangin hun rei tak kalpui theih a nih tawh loh hnua vawiina mipui tana hawn a ni leh chu lawmawm tiin thahnem ngai taka thawktute inpekna rah a ni, a ti. Eizawnna satliah a ngai lo va, mipui tana rawngbawlna pawimawh tak pakhat a nih anga district dangte aia man tlawm zawk a dawr theih a ni dawn chu fakawm tiin mipuiten tangkai taka an chhawr theihna turin duhsakna a hlan nghal a ni.

Siaha khawpui chhungah hian Common Service Centre (CSC) pariat awm mek in, mipui tana dawr theih reng an ni.