3822/2023-2024

Dated Saitual the 14th February 2024 :  Vawiin khan Saitual ah kan hma lawk a Lok Sabha MP General Elections 2024 inthlan lo awm tur inbuatsaihna atan EVM First Level Checking chu Venhimna khauh tak hnuaiah Dr Lalngura Tlau Saitual District Election Officer hovin neih zawh fel a ni.

FLC checking hi February ni 13 atanga ni 14 chhung khan DC Conference Hall Saitual ah neih a ni a. FLC-ah hian Ballot Unit (BU), control Unit (CU) leh Voter Verifiable Paper Audit Trail (VVPAT) te chu uluk taka endik vek niin security procedure khauh tak hnuaiah neih a ni a, hall/venue chhunga lut tur a ruat bik- authorized personal-te hnenah chauh luh phal na(entry pass) pek an ni. Thil tul leh pawimawh zawng zawng peih fel a nih hnu in EVM/VVPAT te hi Strong Room ah dah luh fel anni.

EVM khawl-Control Unit, Ballot Unit leh VVPAT-te hi Electronics Corporation of India Limited (ECIL) Company siam niin, Company lam atanga lo kal Engineer rualte'n EVM khawl te chu hman theih turin a tha tawk em tih an endik a ni.

He FLC neih zawh tak ahhian Pi Laldinfeli, Election Officer, Saitual, Pu Vanlalchaka SDC Saitual leh Election official dang te bakah Political Party aiawhte an tel a, Party aiawh kal te hian khawl chu hmet chhinin mock poll an nei bawk a ni.