1837/2023-2024

Dated Siaha 11th September 2023 : Vawiin khan Mizoram State Anti-Tobacco Day Mizoram pumah hman a ni a, Siaha ah pawh District Tobacco Control Cell, Siaha bultumin DMS Hall, District Hospital Siaha ah he ni pual hian hun hman a ni.

Kumin thupui hi "Towards 100% Tobacco Free Educational Institution" tih niin, Ministry of Health & Family Welfare (MoH&FW) in May 2024 hma ngeia India ram zirna In zawng zawngte Tobacco Free Institution-a puang vek tura hmalakna a kalpui mek thlir chunga thlan a ni.

Vawiin Programme-ah hian Dr. Lalnunziri, District Nodal Officer leh Sr. Chief Medical Officer ni bawk chu chairperson niin kalkhawmte lawmna thu a sawi a. Pi J. Lalthanzuali, Social Worker, District Tobacco Control Cell chuan Devotion hun a hmang a. Pu JB. Chozah, Sr. E.O. (MADC) hnen atangin 'Tobacco Free Education Institution' hlawhtlinna tura zirtirtute pawimawhna ngaihthlak niin Dr. Rosine Hezi, District TB Officer hnen atangin vaihlo that lohna zirho a ni bawk. Pi S. Laltanpuii, District Consultant chuan Power Point presentation hmangin 'Tobacco Free Educational Institution' hmalakna chungchanga Zirna In ten an hriat tur leh hmalak dan tur hrang hrangte a tarlang bawk.

Dr. S. Vabeilysa, Deputy CMO chuan kalkhawmte hnenah  lawmthu sawiin hun a khar a ni.