DIRECTORATE OF INFORMATION & PUBLIC RELATIONS, Government of Mizoram, India

Vawiin chawhma 11:00Am khan District Election office,Siaha buatsaihin DC conference Hall-ah 10th National Voters' Day lawmna hun hman a ni. 10th NVD thupuiah Electoral Literacy for Stronger Democracy hman a ni a. Pu H.Zonunmawia, Election Officer in programme kaihruaiin, Pu Bhupesh Chaudhary IAS, District bawrhsap chu khuallian a ni.

Khuallian chuan thu sawiin, India hi democracy ram a ni angin, Vote nei chin chuan India khua leh tui tha ka nih intih chuan kan aiawha roreltu tur inthlanna hrang hrangah, kan chhiat leh tha hriatna fim tak hmanga vote thlak hi kan tih makmawh leh duty a ni tih i hre thar leh ang u. Inthlanna a kan vote hlu tak kan thlak hian Ram rorelnaah min tel tir ve a ni ti hriain; therhlo leh enge emaw thil vang mai mai a tih bawrhbang lo turin i fimkhur ang u, tiin vote nei thar te a chah a. Vote neih thar te a lawmpui thu sawiin, EPIC hi india mi leh sa in nihna tichiangtu document pawimawh ber te zing a mi a ni a, kawl tha khiau ang che u, a ti bawk.

Pu Malsawmtluanga, Addl DC leh ERO ni bawk chuan India ram democracy kaldan phung chawinung zel tura THUTIAM kalkhawm mipui te a lak tir bawk.

10th National Voters' Day pual hian Siaha District chhunga BLO hna thawk tha te hnenah chawimawina certificate leh tangkafai hlanna hun khuallian hian a hmang nghal a.

BLO hna thawk tha ber Pakhatna (1st position) atanga pathumna( 3rd position) thlanchhuah an ni a. 1st Prize hian Certificate + Rs.10,000/- a keng a. 2nd Prize hian Certificate + Rs.7000/- kengin, 3rd Prize hian Certificate+Rs.5000/- a keng thung a ni.

Lawmman dawngtute chu:-

1st Prize-- Pu P.Robert,Council Vaih

2nd Prize
1) Pu VT.Hrochhua,Ahmypi

2) Pu Lalthanzauva, Kaochao East

3rd Prize
1)Pu H.Laltluangzela, Meisatla-II
2)Pu S.Chholai, College Vaih--I
3)Pu Hmangaihzauva, College Vaih--II te an ni.