Vawiin chawhma Dar 10.00Am khan DC’s Conference Hall ah Bank Account Opening Mela neih a ni, he hun hmanna ah hian Pu. L. Sapramthanga, Manager, State Bank Of India chuan kaihruai in, Pi Harleen Kaur IAS, District Bawrhsap chu khuallian niin a hmanpui.

Khuallian chuan thusawiin hetiang hun lawmawm kan District in a kan hmang thei chu Bankers te thawhrimna leh inpumpekna vang liau liau a ni ati a lawmawm a tih thu sawi in. He hun hmang tur a lo kal mi tamtak Bank dawr hreh avanga Bank Account la nei lo te pawhin, tun Mela hi an chhawr tangkai ngei a beisei thu a sawi bawk a ni. Vawiin a lo kalkhawm te hnen ah lawmthu a sawi bakah mahni duhna Bank ah theuh Account hawng tur in kal khawmte a chah a. Bank Account neih apawimawh zia leh a that zia te sawi in rukru leh kangmai lak ah a him thu a sawi nghal bawk.

Vawiin Bank Account Opening Mela-ah hian SBI,MRB,MCAB leh IDBI,HDFC Bank a thawktuten a hmun ah kal khawmte duhna Bank ah Account an hawnsak nghal bawk.

Pu Andy Lalfakzuala Varte, S.D.C (P) chuan lawmthu sawi na hun hmangin he inkhawm hi a ti tawp a ni.