Vawiin chawhma dar 11:00AM khan Saiha Gov't College Hall-ah  Directorate of Sports&Youths Services leh Siaha District Sports Commitee te hawihawtin Thisen Pek runpui neih a ni.

He Thisen pekna runpuiah hian Siaha District Sports Committee hnuaia affiliated Sports Discipline hrang hrang te, Gov't Saiha College-a NSS te, Don Bosco School-a NCC leh Scouts& Guides atang te leh Adventure Club atang te in thisen hi an pe a.Mipa 32 leh Hmeichhia 18 in Thisen hi pein, avaiin Unit 50 pek a ni. Tunlai tak hian Siaha Blood Bank a thisen a tam lai a nih avangin, Blood Bank in a dawn theihzat Unit 50 pek rih phawt a ni.

Vawiin Voluntary Blood Donation Drive programme  hi Pu H.Vabeitha, Chairman SDSC in a kaihruai a, Pu VL.Hruaizela Khiangte, PD DRDA, DC charge la mek tu chuan khuallian niin he hun hi a hmanpui.

Khuallian Pu Hruaizela chuan thu sawiin,  Mihringin a mah an pui tana thil thlawnpek hlu tak, a dawngtu tan hlu em em, a pe tu tana uiawm ltk thil ni si lo a pek theih chu Thisen hi a ni, a ti.

Vawiin programme-ah hian Dr.Lalzarmawia Khiangte, Sports& Youths Services atanga observer lo kal te, Pu H.Vanlaltlanchhunga, Associated Professor leh NSS coordinator ni bawk te leh Dr.V.Dochai, Nodal Officer, District Hospital Blood Bank, Siaha ten thu sawina hun an hmang a. Zaithiam Joan Lalnunziri III Sem BA chuan zaiin Blood Doners kalkhawm te a awi a.

Vawiin Saiha Gov't College-a Voluntary Blood Donation Drive hun hmanna-ah hian  Dr.Chawngkhuma Chawngthu, Principal leh a thawhpui Associated Professor, Professor te leh college zirlai naupang tha hnem takin an tel bawk a ni.

Pu N.Vabeiratlua, Secretary ,SDSC in lawmthu sawina in he programme hi a khar ta a ni.

Attachment

• Loading attachment...