1863/2022-2023
Siaha, September 09,2022: Vawiin chawhma dar 10:30Am khan DRDA Conference Hall-ah Booth Level Officers te tan training buatsaih niin, Pu. Lalsangliana, DEO leh District Bawrhsap ni bawk chuan he hun hi a hmanpui bawk.

He hun hmanpuitu Pu Lalsangliana chuan thusawina hun neiin, vawiin a BLO te tana training buatsaih a nih hi lawmawm a tih thu sawiin, Trainees te chu an Training atanga thiamna thar pawhchhuak ngei tura, rilru pek tak chunga training turin a chah hlawm a.

Pu Lalsangliana chuan fuihna thuchah sawiin, India rama democracy ropui tak a dinchhung leh a awm chhung hi chuan nang leh kei hian hna pawimawh tak thawh tur kan nei a ni tih hi i theihghil lo ang u. BLO hna hi hna pawimawh tak a nih rualin hna huhphur awm tak niin, vawiin a kan BLO te pawh hian he hna hi in ko a in nghat tur chuan in duh ka ring hauh lo amah erawh chu kan ram chu inthlang ram kan ni a. kan E-Roll te felfai zawk leh mumal zawka a awm theih nan Election commission of India (ECI) in nangni hi a ruat che u, a ni tih hi i theihnghil lo ang u. India ram hi Democracy Ram chu ni lo se vawiin a BLO kan nih hi angai hauh lo ang, mahse BLO hna kan lo thawh ve theih na chhan hi chu kan ramah mipui rorelna ropui tak a awm avang chauh a ni tih i hre thar leh ang u. Democracy a dinchhuah zel theih nan nang leh kei hi a ban pawimawh tak kan ni ve thei a ni tih i hre reng ang u, a ti bawk.

Vawiin training hunah hian Pi Rochuangkimi Khenglawt, EO leh Pu. Vabeimozachhi Chozah, AERO & DTO bakah Pu Lalhmingliana AERO & SDO (Civil) Tipa ten heng a hnuaia thupui tarlan hmang hian zirtirna hun an hmang bawk.

1. Amendments in Electoral Laws & Rules

2. Forms processing

3. GARUDA Apps & NVS Portal

Vawiin training-ah hian zawhna leh chhanna hun hman nghal a ni bawk.