1862/2022-2023
Mamit 9th September, 2022 : Bairabi Police Check Gate leh PSC Bridge (Tlawng Lei) inkar Ch 0.00 to 0.800 kmp chu PWD te'n Rigid pavement in a siam that hna an thawk mek a. He hna hi an la thawh zawh loh avangin Dt. 7.9.2022 atanga 21.9.2022 chhung hian a siamthat hna an thawh chhunzawm leh dawn avangin helai kawngah hian lirthei tlan dan ruahmanna siam tula hriat a ni a.

Chuvangin, Pu Vineet Kumar IPS, Superintendent of Police, Mamit chuan Motor Vehicle Act, 1988(Act 59 of 1988) Section 115 leh Mizoram Sawrkar Notification No. B.12021/10/2004-TRP Dt. 01.06.2020- in thuneihna a pek angin Bairabi Police Check Gate leh PSC Bridge (Tlawng Lei) inkar Ch 0.00 to 0.800 kmp chu Dt. 7.9.2022 to 21.9.2022 chhung hian lirthei LMV aia lian te'n zawh phal a nilo tih thuchhuah a siam a ni. Hemi hun chhung hian Mamit District lam atangin Bairabi lam panin (Tlawng Lei paltlangin) lirthei LMV aia lian tan tlan phal a ni lo.

Kawngpui tha zawk kan neih theihna tur a nih avangin thupek hi ngai pawimawh theuh turin mipuite kan in ngenin kan in hriattir a. Thupek bawhchhia chu U/s 179 MV Act hmanga hrem theih anni ang.