1696/2023-2024

Dated Siaha 30th August 2023: Tukin zing dar 11 khan Siaha a by-election neihna tur pahnih, 22-Siaha East I MDC Constituency leh 46-New Saikao Village Council Constituency atan a hman tur Final Electoral Roll tlangzarhna chu DC Mini Conference Room-ah neih a ni a, Pi Lalnunmawii, Asst.Distrtict Election Officer chuan he Final Electoral Roll hi a tlangzarh.

Pi Lalnunmawii chuan Final Electoral Roll tlangzarh theih a ni chu lawmawm a tih thu sawiin, Electoral Roll-a hun taka peihfel a nih theih nana theihtawp chhuaha thawktu election official- ERO, AERO, BLO leh Political Party-te inpekna fakawm a tih thu a tarlang a. India ram chu mipui thlan tlinte rorelna ram anih angin mipuiten an aiawh an thlan thin chu thilpawimawh tak a ni tiin, inthlanna felfai leh thianghlim tak neih erawh a pawimawh hle tih sawiin tuna by- election neih turah pawh mipuite chu thianghlim taka vote thlak tur in a chah a. Political party hrang hrang leh NGO-te thawhpuina tha tak nen by-election lo awm tur hmachhawn a tul hle tih sawiin party tin leh NGO- te chu thawhpuiah a sawm nghal bawk.

Pu Vanlalchhuanliana, Election Officer, chuan Electoral Roll buatsaih a nih dan tlangpui sawifiahna neiin, Final Electoral Roll tlangzarh anih theihna tura hmalakna hrang hrang tarlanna a nei nghal a. Final Electoral Roll atanga a lan dan in 22-Siaha East I MDC Constituency-ah hian vote nei mipa-1307, hmeichhia- 1537, a vaiin vote nei mi- 2844 an awm a, 46-New Saikao Village Council Constituency-ah hian vote nei mipa - 55, hmeichhia- 60, a vaiin vote nei mi- 115 an awm a ni.

Vawiin Final Electoral Roll tlangzarh tak hi Political Party aiawh lo kalkhawmte hnenah Copy khat theuh Pi Lalnumawii, Asst. District Election Officer chuan a hlan nghal a ni.