Vawiin chawhma dar 10:00Am khan District Industries Centre Hall-ah BBBP hnuaiah Capacity Building for ANM & ASHA Cum RCH Performance Review, 2018-2019 neih a ni.

Vawiin programme kaihruaitu leh Chief Medical Officer nibawk Dr. Lalparliani chuan thu sawiin, he programme hi BBBP Programme hnuaiah 16th July, 2018 a neih tur a tih a ni a, mahse MLA Election, 2018 vangin a hunah programme hi hman theih a ni lo a ni tiin,  remchan zawkna avangin vawiinah he hun hi hman a ni ta zawk a ni, a ti. He programme in a tum ber chu Siaha District chhunga hmeichhe naupang te humhalh a tul zia leh an chanvo dik tak an hmuh theih na tur a tanpui a tul a ni tih ANM (HW) & ASHA te a thar a zirtirna leh inhrilhhriatna programme a ni a. Hemi rual hian Health programme hrang hrang te atangin HW & ASHA te hnathawh dan tur a thar a inhrilhhriatna neih nghal ni in, kum 2018-19 chhunga RCH Programme Review neih nghal a ni. Dr Lalparliani chuan Kum 2018-19 chhunga Siaha district IMR chu 22 a ni a, kum liam ta aiin hma kan sawn tawh hle a ni tiin, vawiin programme a tel zawng zawngte chu tun aia nasa zawka tan la a, rinawm taka an hna theuh thawk turin a chah hlawm a ni.