Vawiin chhun dar 12:00 Noon khan DC's Conference Room-ah DTO Office,Siaha District te  buatsaihin Auto Rickshaw leh Taxi Driver te hnenah Faina chungchang zirtirna leh Dustbin semna hun hman a ni.

Vawiin Capacity Building Programme (on Cleanliness for Auto Rickshaw and Taxi Drivers) hi Pu C.Lalawmpuia,MVI Siaha in a kaihruaia, Pi Lalnunmawii, DTO leh SDO(S) ni bawk chuan Auto Rickshaw leh Taxi Driver kalkhawm te hnenah Faina chungchang zirtirna hun hmangin, Driver te hnenah an Auto Rickshaw leh Taxi-ah theuh dah tur dustbin a sem nghal bawk a ni.

Vawiin hun hman-ah hian Pu MS.Dawngliana,ESI in MV Act & Rules chungchangah zirtirna pein, Pu C.Lalawmpuia, MVI in  Traffic Management chungchang zirtirna hun a hmang bawk.

Vawiin  Faina chungchanga Capacity Building programme-ah hian Siaha District Auto Rickshaw Owner Association(SAROA) President Pu N.Sanga leh Zoram Taxi Owner Association(ZTOA),Siaha President Pu C.Lalchansanga  ten an member pui te hnenah Faina chungchanga fuihna thu tha tak an sawi bawk.