2123/2026-2027 

Siaha the 8th September, 2026: Chief Minister’s Special Package Phase-2 hnuaia Progress Partner 157 te tan vawiin khan DC Conference Hall, Siaha-ah Orientation Training buatsaih a ni a, District Bawrhsap Pu VL Hruaizela Khiangte chuan Khuallian niin hun a hmanpui.

District Bawrhsap Pu VL Hruaizela Khiangte chuan Chief Minister’s Special Package hnuaiah Sawrkarin tanpui tlak a ngaia Progress Partner atana a thlanchhuah avangin lawmpuina thu a sawi a, an hmalakna chu hlawhtlinpui ngei turin duhsakna a hlan nghal a ni. Tuna hamthatna dawngtute chu an trade thlan theuhah taima taka thawk turin a chah a, midang la dawng ve zel turte tana entawntlaka thawk turin a chah bawk.

Siaha District chu District hlun leh upa ber pawl a ni a, kawng engkimah District dangte entawn tlak ni tawh tura tan lak a hun tawh thu a sawi a, tuna Progress Partner-te pawh mahni mai bakah Siaha District tana thawk an ni tih hriaa theihtawp chhuah turin a chah bawk a ni. Pathianin mahni inpuite a pui thin (God helps those who help themselves) tih sawiin, malsawm tlaka thawh tur leh mi hlawhtlingte hlawhtlinna rah ringawt hre lova, an thawhrimna entawn thin a tul thu a sawi bawk.

Resource Person Pu Reuben T. Kompa, DD, DLEO Siaha chuan Bana Kaih chungchang sawifiahna neiin, he Scheme hi kan ram hmasawnna tur leh Progress Partner-te'n mahni kutke ngeia an dinchhuah theih nana ruahman a nih thu a sawi.

Vawiina Orientation Training-a tel Progress Partner te hi an vaiin 157 an ni a, Commerce & Industry Department hnuaiah 127, Sericulture Department hnuaiah 2, AH & Vety hnuaiah 7 leh Agriculture Department hnuaiah 21 te an ni.

He hun hi Pu Vanlalchhuanliana, SDO (S) chuan kaihruaiin, Dr. Lalnunfela Chhangte, SDC chuan lawmthu sawina neiin hun a khar a ni.