No.2987/2021-2022
Aizawl, the 13th  November, 2021 : Vawiin chawhma dar  11:00 AM khan, District Legal Services Authority (DLSA) leh District Child Protection Unit (DCPU), Siaha te buatsaihin Children's Day , 2021 chu NSV Studio, New Colony-ah hlawhtling taka hman a ni. He hunah hian Pi P. Chaki, President,Mara Chanô Py ( MChP) General Headquarters leh Child Protection Ambassador ( Mother) ni bawk chu khuallian niin hun  a hmanpui.

Khuallian Pi P. Chaki chuan thu sawiin, Children's Day, 2021 pualin kalkhawmte duhsakna a hlan a, naupang te hi kan khawtlang leh ram tan mi tangkai tur an nih dawn avangin nu leh pa te thu awih a, dawt sawi lo tur leh dawt sawi thatlohna te, leh thu dik tan ngam thatna te a sawi a ni.

He hunah hian Dr. David Zaitinvawra, District Child Protection Officer (DCPO) ,Siaha leh Pi Julie Lalhlupuii, Principal Magistrate,Juvenile Justice Board ( JJB) ,Siaha atangin Naupang te hian dikna chanvo anneih dan leh naupang te hi sawrkar in ngaih pawimawh thute ngaihthlak a ni.

Children's Day, 2021 programme hmannaah hian S. Esthy Beingiarili, KHP Bethesda leh KHP College Vaih North ten  special item an entir bawk a ni.

Pu Aldrin J Byhnapatha,LPO, DCPU chuan kal khawmte hnenah lawmthu sawina neiin he hun hi tih tawp a ni.