No.6328/2020-2021

Siaha, October ni 22 : Vawiin chawhnu dar 12:30Pm khan Pu Kesavan R, IAS, Deputy Commissioner, Siaha District, Siaha Chairman-na hnuaiah District Water and Sanitation Mission (DWSM) ten Jal Jeevan Mission,2019-2023 chungchanga District Action Plan (DAP) zirho turin an thu khawm.

Vawiin DWSM thukhawm chuan Jal Jeevan Mission, 2019-2023 for Siaha District scheme hnuaia Siaha district huam chhung thingtlang khaw hrang hrang a tui thianghlim leh hnianghnar zawka pek an nih dan turte, in tina connection pek vek dan tur chungchanga chak zawka hmalak a tul dante, mimal in bakah sawrkar hmun pawimawh heng - School, Anganwadi Centre, Community Hall, Health Sub-Centre etc zawng zawnga tui connection pek vek tura hmalakna te sawi a ni bawk.

Tahrik ni 16.9.2020 a DWSM meeting chuan kum 2020-2021 Jal Jeevan Mission hnuaia DAP chu a lo approved tawh a. Vawiin meeting chuan kum 2021-2022 bakah kum 2022-2023 a mi tur DAP chu a approved nghal bawk a ni. Kum 2021-2022 chhung hian FHTC 3047 pek chhuah tum a ni a, kum 2022-2023 chhunging FHTC (Functional Household Tap Connection) 1338 pek tum a ni bawk. Hemi bakah hian kum 2022-2023 chhung vek hian 2019-2020 a tui connection pek kim loh ho (Left out) 361 te chu pek nghal tum a ni bawk a ni.

Tin, khaw thenkhat National Highway-54 kawng lai zauh mek vanga hna la thawh remchang lo khua a awm bawk.