3816/2024-2025

Siaha the 15th January 2025: Vawiin khan DC Mini Conference Hall, Siaha-ah District Agriculture Marketing Committee (DAMC)thutkhawmna neih a ni a, District Bawrhsap Pu VL Hruaizela Khiangte, DAMC Chairman ni bawk chuan he hun hi a kaihhruai a ni.

Kuthnathawktute Thlai thar sawrkarin a leisak tur chu Society kaltlanga hralh dan tur sawiho a ni a, Sawrkar Flagship Programme pawimawh tak 'Handholding policy' hmanga thlai thar hralhna chu a hlawhtlin ngei theih nan theihtawp chhuah a tul thu sawiho a ni.

Vawiin thutkhawm chuan Mizoram Sawrkar thuchhuah hmangin DAMC te tana Standard Operating Procedure (SOP) behchhanin thlai thar lei leh hralh mumal zawka kalpul a ni theih nana hma an lak tawh dan te thlirlet niin hmalak zel dan tur sawiho a ni a, Pu John Lalnunsanga, ADAO atangin hma an lak tawhnate ngaihthlak a ni. Farming Society din a nih tawh thu leh Primary Collection Centre atanga kut hnathawktu ten Sawrkar atanga  Subsidy/Support Price hmu tura an thlai tharte phurhkhawmna hmun tur Secondary Collection Centre pawh Tipa leh Siaha-ah buatsaih a nih thute tarlan a ni a, Secondary Collection Centre (SCC) enkawltu tur, Manager-te arang lama ruat tura tih niin, training pek vat nise tih relho a ni bawk a ni.