Vawiin chawhma dar 11:00Am khan Siahatlah-ah District Court Building leh Judicial Quarters for Grade-I of MJS sakna tur lungphum phumna programme hman a ni.

Vawiin Programme hi Hon'ble Mr.Justice Nelson Sailo, Judge, Gauhati High Court & Portfolio Judge for the District of Siaha chuan khuallian niin a hmanpui a, Building sakna tur lungphum pawh a phum nghal bawk. 
Vawiin khuallian Pu Nelson chuan  District  Court Building leh MJS Grade-I Quarters tha tak an neih dawn avangin Siaha District mipui te chu a lawmpui thu sawiin,  Court Building leh Quarters sak a ni tur hi  Judicial Department bakah MADC hruaitute , NGO hrang hrang leh Siaha District a Dept hrang hrang ten an phurpuiin an inpuibawmna an dawng  nasa a. Court Building leh Quarters tha tak nei tur leh hmang tangkai tur chuan siaha district mipui te tanpuina bawk an mamawh tur thu sawiin,  hnathawktu te atulna pianga lo puibawma hna an thawh that leh that lo te lo vilpui thin turin Siaha District mipui te a ngen bawk a ni.

Foundation Stone Laying Ceremony hi District Bawrhsap Pi Harleen Kaur IAS in  kaihruaiin, Pi Helen Dawngliani MJS, Registrar, Gauhati High Court chuan programme chhimtu mipui lawmna thu a sawi. 
Pu F. Lalengmawia, SDO, PWD Building Sub-Div, Siaha in Technical Report a pe in  District Court Building hi cheng nuai Rs.1803.40 senga sak tur a ni a. MJS Grade-I Quarters hi cheng nuai Rs.196.60 senga sak tur a ni thung. Pu R.Thanga MJS, District & Session Judge Lunglei Judicial District, Lunglei chuan lawmthu sawina hun hmangin vawiin programme hi a khar ta a ni.