Tukin dar 7:00 a.m. khan Fire and Emergency Services Headquarters, Hunthar Veng, Aizawl-ah  Fire Service Day/Myrtyr Day hman a ni. He hunah hian Pu PC Lalchhuanawma, Director, Fire and Emergency Fire Services chuan kum 2017 chhunga kangmeithelhnaa thi mi sawmhnih hming chhiar chhuakin, anmahni sun nan minute  khat ngawi renga dingin hun an hmang.

Fire Service Week hi India ram pumah 16^th-20^th April chhungin hman thin a ni a, 14^th April bik hi Fire Service Day/Myrtyr Day atan hman a ni. He week chhung hian India rama Fire Service  hrang hrang te chuan kangmei laka himna tur zirtirna an nei thin a ni. Kum 2018 Fire Service Week thupui atan hian ‘Kangmei vanga hlohna/channa, ram tana hlohna/channa; Kangmei laka himna dan I zawm ang u’ tih thlan a ni.

Mizoram–ah hian kangthelh police mi 230 an awm a, district tinah Fire Station hi neih a ni a, district lo zingah chuan Tlabung Fire Station hi awm chhun a ni. Aizawl District ah hian Aizawl Police Station, Khatla Police Station, Kulikawn Police Station-ah te Fire Station a awm a. Mobile duty hi Chaltlang MST Bus Station-ah nilengin a awm a ni.