489/2023-2024

Siaha; the 18th May,2023: Vawiin khan DRDO's District Rural Resource Centre -ah Pu C.Lalrosanga, MP(LS) leh DDCMC(DISHA) Chairman ni bawk hovin DDCMC/DISHA meeting neih a ni.

Vawiin meeting-ah hian Siaha District chhunga Centrally Sponsored Scheme(CSS) hnuaia nikum chhung (June,2022-March,2023)a an hmalakna hrang hrang te power point presentation hmangin meetingah tarlan a ni a, an hmachhawp leh harsatna te pawh huangzau taka sawiho zui nghal a ni.

Pu C.Lalrosanga chuan DISHA meeting neih hun tur ruatfel vek tawh chu,Manipur buaina avangin kar khat vela postpone a ngai a, in mi hriatthiamna ka ngen a ni tiin, vawiinah Pu M.Laikaw, CEM,MADC hova DISHA meeting kan nei thei tur hi lawmawm ka ti hle a ni, a ti bawk.

Pu C.Lalrosanga chuan DISHA meeting neih chhan sawiin, CCS Line Department ten Sawrkar laipui Scheme pawimawh tak takte chu tha takin an kalpui thei nan te, harsatna an nei te leh an hmasawnna chin te inhriatpui tawna, Line Department hrang hrang ten thawhhona an nei that zawk thei nan leh hmalam hun atana Scheme leh Plan tha leh felfai tak duan a nih theih nan a ni, a ti.

Sawrkar department hrang hrangte hunbi ruata hnathawh zo hman tum theuh tura chahin an rawngbawlsak mipuite tana theihtawp chhuah theuh turin a fuih nghal bawk a ni.

Vawiin meetingah hian Line Dept. hrang hrang ten power Point Presentation hmangin na hmalak tawhna leh hmachhawp hrang hrang te an tarlan bakah an harsatna tawh hrang hrang te tarlangin, DISHA meeting kaltlanga an harsatna te enpuia sutkian sak turin ngenna an siam hlawm  bawk  a ni.