488/2023-2024

Lunglei the 18th May, 2023 - Kumin June ni 30 ‘Remna Ni’ Lunglei District-a hman dan tur relin vawiin khan Lunglei DC Pi Ramdinliani kaihhruaiin DC Conference Hall-ah meeting neih a ni.

State Level Committee for Celebration of Remna Ni an Chairman Chief Secretary Dr. Renu Sharma hova meeting dated 08/05/2023 chuan State Capital Aizawl bakah District Headquarter zawng zawngah Remna Ni hi ropui taka lawm ni se tih an rel a. He an thurel bawhzui hian Lunglei District-ah pawh Remna Ni pual hian program hrang hrang buatsaih a ni dawn a.

Lunglei District-a a lawmna pui ber atan Convention Center-ah hun hman nise tih a ni. Programme tlangpui duan nghal niin, Chairman turin Deputy Commissioner, Lunglei nise tiin Chief Guest tur hi sawrkar lam atanga rawn ruat tur niin, cultural program neih a ni dawn a. He hunah hian Prof. J. Zorema Principal (Rtd) Government J Buana College, Lunglei chu, 'Peace for Prosperity' tih thupui hmanga thusawi turinsawm ni se tih Committee chuan a rel a ni.

Remna Ni lawmna pual hian June thla chhungin Free Health Camp, Lunglei Municipal area chhunga veng tinah faina hnatlangpui, Peace Walk, Blood Donation Camp, Thing phun, Painting & Photography Contest, Quiz & Essay Competition, Digital Flyer & short video competition te buatsaih ni se tih an rel bawk a ni.