1541/2023-2024

Dated Siaha 17th August, 2023: Vawiin chawhma dar 11 khan Pu Lalhmunsanga Hnamte, District Election Officer leh District Bawrhsap ni bawk chuan DC Mini Conference Room-ah ni 10, July, 2023 qualifying date hmanga duan Draft E/Roll a tlangzarh a. He E/Roll tlangzarh tak hi by- election neihna tur pahnih- 22 Siaha East-I MDC Constituency (1 seat) leh 46-New Saikao Village Council Constituency(1 seat, General) atan a hman tur niin, Final E/Roll hi ni 30, August, 2023 ah tlangzarh tura ruahman a ni.

Pu Lalhmunsanga Hnamte (DEO) chuan India ram chu mipui thlantlinte rorelna ram a nih angin mipuiten an aiawh a roreltu tur an thlan thin chu thil pawimawh tak a ni, a ti. Mipuite pawh an aiawh an thlanna kawngah rilru thianghlim tak pu chunga vote an thlak a pawimawh hle a, ngaituahna fim tak nen a an aiawh thlang thin turin a chah a. Vote thlak chu khua leh tui tha nihna anih angin vote nei zawng zawngte vote thlak vek turin a sawm a. Political party hrang hrangte pawh inthlanna fel fai leh thianghlim tak neih a nih theih nan thawhpuiah sawmin duhsakna a hlan nghal.

District Election Officer chuan vawiina tlangzarh tak E/Roll pahnih hi MLA inthlanpui hnuhnung ber a E/Roll behchhana siam a nih thu tarlangin , Non-Tribal-te erawh paih an ngaih avangin MLA E/Roll hnuhnungber chu a ngialngana hman theih a nih loh thu a sawi a. Siaha mipuiten an aiawh ram roreltu tur tha taka an thlanchhuah ngei theih nan mawhphurhna nei zawng zawngte theihtawp chhuah tura chahin, mipui leh political party-te a duhsakna sang ber a hlan thu a sawi bawk.

22 Siaha East-I MDC Constituency E/Roll- a hming thunthar/belh emaw hming paih emaw a chhung a hming emaw kum emaw leh a dang dik lo tihdik duhte tan Form-2, Form-3 leh Form-4 hmangin tahkrik 23/08/2023 ral hma ngeiin Asst. Electoral Registration Officer emaw Block Level Officer Office-ah te dilna hi thehluh theih a ni. 46-New Saikao Village Council Constituency E/Roll- a hming thunthar/belh emaw hming paih emaw a chhunga hming emaw kum emaw leh a dang dik lo tihdik duhte tan Form-3, Form-4 leh Form-5 hmangin tahkrik 23/08/2023 ral hma ngeiin Village Level Officer hnenah thehluh theih a ni.

Vawiina E/Roll tlangzarh tak atanga alan danin 22 - Siaha East-I MDC Constituency ah hian vote nei hmeichhia -1497, mipa - 1284 an vaiin mi - 2781 vote nei an awm a, 46-New Saiko Village Council Constituency ah hian vote nei hmeichhia- 59, mipa- 54 an vaiin vote nei mi -113 an awm bawk a ni. 22-Siaha East-I MDC Constituency ERO atan Pu Ngurthansanga ruat niin AERO atan Pu Lalzuliana ruat a ni a. 46-New Saikao Village Council Constituency ERO atan Pu J. Lalhmahruaia ruat niin AERO tan Pu Lalremruata Khitie ruat a ni bawk.

Vawiin Draft E/Roll tlangzarh tak hi Political Party aiawh lo kalkhawmte hnenah Copy khat theuh Pu Lalhmunsanga Hnamte District Election Officer chuan a hlan nghal a ni.