1145/2022-2023
Siaha; the 5th July,2022: Nimin chawhnu dar 2:00Pm khan DC Conference Room-ah District Level Committee for Prevention,Control and containment of African Swine Fever(ASF) member ten District Bawrhsap Pu Lalsangliana kaihruaina hnuaiah meeting an nei. Meeting-ah hian tun hnaia Mizoram District hrang hranga ASF lo inlar tan leh mek laka Siaha district venhim dan tur leh lo lut palh hlauh ta se, engtia hmalak tur nge? ti te huangzau taka sawi hova, rel a ni.

Vawiin meetingin a thu rel tlangpui te:-
1) Tunah hian District pawn lam atanga Vawk lakluh Khapna Order kalpui mek a awm a, hei hi thla 2 tana May tahrik ni 11,2022 a chhuah tawh kha a ni a.Tha leh zuala ASF laka kan him theih nan vawiin meeting chuan July tahrik ni 11 khian, Vawk lakluh Khapna Order thar, district bakah, khaw dang atanga (Inter-village) vawk lakluh Khapna Order chhuah tura rel a ni.

2.Siaha district-ah ASF hi a lo lut palh hlauh a ni chuan,
Police Department leh AH&Vety department te bakah mipui te kan tanho dan tur kawng dap.

(b) VC tin hnenah tih tur leh tih loh tur te, AH&Vety an tanpui theih dan tur hrilhriatna pamphlet siama sem.
(c) ASF hri vei vawk suat dan tur leh a phumbo dan tur

3.Bio-security/Sanitationery measures inzirtirna tamzawk neih
4.Vawk thi/Vawk damlo a awm chuan District Vety Hospital,Siaha-ah rang taka a hnuaia Mobile Number tarlan-ah hian hriattir a, RAgT hmanga an thisen test tir vat.
Dr.Rengpuii-9627013886
Lalsangliana VFA--8425853985
ti te hi rel a ni.

Dr.C. Khawlthangmawia,DVO,Siaha atangin ASF in Siaha District a nghawng dan report ngaihthlak a ni a.ASF hri hi Siaha district-ah lut tih tahrik ni 15/4/2021 khan Thisen sample thawn atangin confirm a ni. ASF in Siaha District hi tahrik ni 8/12/2021 ah khan a kiansan ni a hriat a ni.

April,2021-December,2022 chhung khan ASF hri kai avangin vawk 274 an thi a, 146 kah hluma phumbo an ni. District chhunga Khaw 5-ah ASF hri hi a leng hman a, chhungkaw 163 ten an vawk an chan a ni. Vawk thi leh Kahhlum tak te hlut zawng hi Rs.72.52 lakhs a ni.