3942/2022-2023

Siaha; the 22nd March, 2023: Vawiin khan DC Conference Room-ah  Pu Lalhmunsanga Hnamte, district bawrhsap hovin District Level Coordination Committee on Tobacco Control member ten meeting leh Training an nei.

He hunah hian Siaha Chief Medical Officer leh Member Secretary, Anti-Tobacco Squad ni bawk Dr. Lalnunziri chuan kal khawmte lawmna thu sawiin, vaihlo dona kawngah National Tobacco Control Programme (NTCP) leh department hrang hrangte ṭan rual a pawimawh thu a sawi a.

State Nodal Officer (NTCP) Dr. Lianthangpuia chuan vaihlo zuk leh hmuam  in kan thalai te laka bu a khuar nasat tawhzia  leh  a ti tawhte sim tir tur leh a la ti lo te venhim tul zia a sawi.

State Consultant (NTCP) Pu R. Lalremruata chuan zirna in zawng zawngte zuk leh hmuam tih lohna school (Tobacco Free Educational institution -TOFEI)-ah puan a nih theih nan GoM leh MADC  hnuaia School Education lama hotute chu ṭan lakpui turin a sawm a.Tunah hian naupang kum 13-15 inkar te zingah India rama zuk leh hmuam tih nasa ber state, Arunachal Pradesh nen hian kan ni mek a ni, a ti.

NTCP Siaha  District Consultant  chuan NTCP Siaha District activity report a pe a. April 2022 aṭanga March 2023 chhungin vaihlo ṭhat lohzia inzirtirna ṭum 13 Private leh Sorkar School-ah te buatsaih a ni a. Anti Tobacco Squad Drive vawi 25 kalpui niin, dan bawhchhia mi 35 man niin, pawisa chawitir tling khawm hi Rs. 2110/- a ni. Hemi hun chhung hian District Hospital Siaha-a Tobacco Cessation Clinic-ah vaihlo nghei tum inziak lut mi 249 an awm a, He Tobacco cessation clinic dintir(2015) atangin mi 1822 lo enkawl tawh a ni, a ti.

Vawiin meeting-ah hian concern Dept. te bakah Tlawmgai pawl hrang hrang te an tel a ni.

NTCP Siaha District Nodal Officer Dr.S. Vabeilysa,SMO chuan lawm thu sawiin, meeting hi a khar a ni.