3941/2022-2023 

Lunglei the 22^nd March 2023 – 1^st General Election to Lunglei Municipal Council 2023 neih tur inpuahchahna kal mekah vawiin chawhnu khan Lunglei DC Conference Hall-ah District Municipal Election Officer Pi Ramdinliani, IAS hovin Randomization of EVMs leh Polling Parties te neih a ni. He hunah hian election kalpui dan endik tura State Election Commission ina a ruat Election Observer Dr Lalngura Tlau, Election Officer Pi C. Lalduhzuali leh official dangte bakah party aiawhte an tel a ni.

He hunah hian Polling Station theuha hman tur Electronic Voting Machine (EVM) Control Unit (CU) leh Ballot Unit (BU) te ruat fel an ni a. Inthlannaa duty tur polling party formation chu pawh fel niin team 55 siam an ni a, team tinah hian Presiding Officer, 1^st Polling Officer leh 2^nd Polling Officer te an awm a. Kar leh Thawhtanni (27/03/2023) ah hian Randomization of Polling parties hi neih leh tur niin hetah hian Polling parties te duty na tur Ward leh Polling Station-te pawh leh a ni ang.  Vote thlak ni hi 29.03.2023 (Nilaini Zing dar 7 atanga tlai dar 4 thleng) niin Polling Station 44 (sawmli leh pali) a awm dawn a ni.

Lunglei Municipal Council Inthlanna ah hian October ni 14, 2022-a tlangzarh Lunglei Municipal Council Final Electoral Roll chu hman a ni dawn a. Electoral Roll ah hian vote nei mi 40,548 awmin mipa elector 19,123 leh hmeichhe elector 21,245 te an awm a ni. Electoral roll ah hian October 1, 2022-a kum 18 tling chin thun tur a nih angin chutianga buatsaih chu a ni a, ennawn a ni tawh lo a ni. Chuvangin October 1, 2022 hnu lama kum tling tharte chu LMC electoral roll ah hian an chuang lo a ni.