3940/2022-2023 

Aizawl, 22^nd March, 2023 : Vawiin khan Social Welfare & Tribal Affairs Minister Er. Lalrinawma hovin “Working Committee on Ruihhlo Do” chu SAD Conference Hall, MINECO ah an thukhawm.

He huna kaihruaitu Er. Lalrinawma, Chairman, Working Committee on Ruihhlo Do nib awk chuan member hrang hrang ten ruihhlo dona kawnga an thawhrimna leh inpekna chu ropui a tih thu sawiin, theihtawp chhuah zel a tul thu a sawi a. ruihhlo do kawngah hian kan tanrual a ngai takzet tih sawiin   an hmalaknate theihtawp chhuah a tawiawm zel turin mipuite leh pawl hrang hrangte a sawm ani.

Mizorama ruihhlo lo hluar ta em em dona kawnga tha thawh nasa em em tlawmngai pawl hrang hrangte leh sorkar department te hman tur cheng Vaibelchhe 3 chu Mizoram sawrkarin Core Committee on Ruihhlo Do hnen ah a pe a, Working Committee hian a sem zai dan tur a rel a ni. Hun remchang hmasa berah Core Committee on Ruihhlo Do Chairman Chief Minister Pu Zoramthanga ho a sem chhuah nise  ti a rel a ni.

He hunah hian Pi Zodingpuii IAS, Director SW&TA, Mizoram Police, Excise & Narcotic, CID, CYMA, MSACS, MZP, MSU aiawh an tel a ni.