1240/2023-2024

Dated Siaha the 24th July 2023: Vawiin khan Siaha District Level Media Certification & Monitoring Committee (MCMC), Social Media leh Media Cell chu Addl.DC Charge la mektu Pi Rochuangkimi Khenglawt (Project Director) kaihruaina hnuaiah DC Mini Conference Room-ah an thukhawm a. Mizoram Legislative Assembly Inthlanpui, 2023 atana advertisement rate hman tur chungchang leh thil pawimawh hrang hrang sawiho a ni.

Thutkhawm kaihruaitu Pi Rochuangkimi Khenglawt chuan Kumin MLA General Election lo awm tur atan print & electronic media-a advertisement rate felfai tak siama tul tih a sawi a, print media-ah chuan sawrkar rate ding lai a awm a, electronic media-ah sawrkarin rate hranpa a siam loh avangin inrawntlanga a man (rate) bituk siam a tul a ni, a ti. Election Commission of India (ECI)-in inthlanpuiah candidate-te'n sum an hman theih zat bituk a siam thin tih sawiin, party tin ten media lama an senso chhut nan media an hman man chu lo endik pawh a pawimawh hle a ni, a ti.

Thutkhawmna ah hian media kal tlanga inthlan kaihhnawih puanzar chungchang felfai leh thianghlim taka kalpui a nih theih dan tur sawiho a ni a. Siaha a Cable Pahnih, New Skylink Vision (NSV) leh H.S Vision-te tan a hnuaia mi ang hian advertisement rate bituk an ni.

Video - 5 Slot per day- Rs 12,000 per Month
Scroll- Rs 500 per day

Vawiin thutkhawmah hian SDO ( Sadar) , SDC, DIPRO, District Organiser, DM&R, Superintendent DC Office, President, MJA Siaha District, Correspondent, DDK te an tel a ni.

Pi B. Malsawmtluangi SDO ( Sadar) chuan kalkhawmte hnena lawmthu sawina neiin thutkhawm hi a khar a ni.