1239/2023-2024

Vawiin khan Social Welfare & Tribal Affairs Minister Er. Lalrinawma hovin 'Zakapa Award' Organising Committee chu SAD Conference Hall, MINECO ah neih a ni.

Minister Er.Lalrinawma chuan hmeichhiate thlavang hauh a, theihtawp chhuahtu Zakapa Khawhri Lal chu chawimawi a phuin, a phu tawk chawimawina a dawnglo chu pawi hle a ni a ti a. Hetianga amah hriatrengna leh chawimawina a hminga Award siam a ni thei tur chu lawmawm a tih thu sawiin hei hian hmeichhiate chawikan leh an thlavang hauhna kawngah thui tak kori a tu ngei ang tih a a beisei thu a sawi bawk.

Organising Committee chuan Pu Zakapa Award buatsaihna atan hian Seminar neih leh zirlaite nen a hun hman te, District tin Deputy Commissioner leh NGO-te nen thawhho dan turte sawiin Pu Zakapa Award dawngtu hi pawisafai Rs 100000/- (nuai khat) leh thuziak pek tura ruahman nise, a dawngtu tur chu Mizoram khuaa cheng ngei, mipa emaw hmeichhia, mimal emaw pawl emaw pawh nise damlai ngei an ni tur a ni a. He award hi kumin September thla chhunga sem tura ruahman a ni ang.

He hunah hian Er. Rinawma Minister, Chairman Zakapa Award Organising Committee bakah Pi Donnie Addl. Secretary, SW&TA, Pi Zodingpuii, Director, SW&TA, Prof. Lianzela, Prof. Zoengpari, Dr. H. Elizabeth Asst Prof. MZU, Dr. JV Hluna, Pu C. S. Chawngchhuma, Pu F. Khawpuimawia, Pu Thanchungnunga, Pu Lalrinthanga te bakah Organizing Committee Member Secretary Pi Zoramthangi, Director, Women & Child Development leh Members Secretary dangte an tel a ni.