3374/2024-2025

Siaha the 5th December 2024: Vawiin khan DC Mini Conference Hall, Siaha-ah District Level Monitoring Committee for Prime Minister’s Employment Guarantee Programme (PMEGP) chu an chairman, Pu VL Hruaizela Khiangte, District Bawrhsap ni bawk kaihhruaina hnuaiah an thukhawm.

Vawiin thutkhawmah hian Siaha District-a PMEGP loan dinhmun thlirho a ni a, dilna lut zat leh pekchhuah tawh bakah pending la awmte thlir ho a ni. Bank branch hrang hranga PMEGP loan lut tawhte enho niin mipuiin an mamawh hun taka loan an hmuh theihna turin ruahmanna ngaituahho a ni.  Kum 2024-25 Financial year-a Siaha District-a bank ten target an neih te thlir ho a ni a, Bank branch hrang hrangte chuan loan pekchhuah chungchanga an harsatna theuhte tarlangin heng harsatna sutkian dan tur te pawh ngaihtuah ho nghal a ni.

Vawiin thutkhawm chuan Naktuka PMEGP awareness campaign buatsaih turah loan application pending awm zawng te, Handholding scheme hnuaia Bank loan diltu te bakah Siaha district a PMEGP hmang tangkai thei tura ngaih handloom association te leh ATI zirlaite sawm ni se tih rel a ni.

District Bawrhsap Pu VL Hruaizela Khiangte, Addl DC Pu Abraham Beirazi Khithie, Pu JM Soren Lead Bank Manager, Lead Bank Office te bakah DIC, KVIC leh bank branch hrang hrangte leh line department-te an kalkhawm a ni.