Vawiin chawhma Dar 11.00Am khan Siaha District Road Safety Committee chuan kan hmalawk, Road Safety Week (6th -13th February) hman dan tur relin an thukhawm.

He Road Safety Week hawnna inkhawm hi District Playground-ah Deputy Commissioner khuallianna hnuaiah hman nise, Road Safety pual hian Higher Secondary School naupangte tan Essay Competition buatsaih nise, Road Safety chungchangah Talk Show pawh Local Cable T.V-ah neih nise, tih te rel a ni a. Him zawka Driver ten Lirthei an khal thei nan tihtur leh tihloh tur chungchang te leh Traffics Rules te Pamphlet-a siam semchhuah ni se, Road Safety Week puala siam Lirtheia tar tur Flag te zawrh leh ni se, Driver thaber Lirthei Category hrang hrang hnuaiah thlanchhuah a, chawimawina thuziak pek ni se, tih te rel a ni. Siaha khawpui hmun thum (3) ah Zebra Crossing siam tel ni se, tih rel bawk a ni.

Kumin Road Safety Week Theme (Thupui) atan chuan “Wear Helmets and Ride Safely” tih thupui hman nise tih a rel a ni.

Attachment

  • Loading attachment...