1914/2026-2027

Siaha, the 24th August, 2026: Vawiin khan District Level Working Committee chu a Chairman, District Bawrhsap Pu VL Hruaizela Khiangte kaihhruaiin DC Mini Conference Hall, Siaha-ah an thukhawm a, kumin 2026 Teachers' Day lawm dan tur a rel.

District Bawrhsap Pu VL Hruaizela Khiangte chuan thu sawiin, "Zirtirtute chu 'Builders of the nation' an ni a, naupang nun kawng zawh chhoh zel tur kaihruaitu pawimawh tak an ni. Nakin lawka ram hruaitu tur chherchhuaktu an nih avangin an ropui hle a, theihpatawpa chawimawi an phu a, ngaihhlutna chang hriat a pawimawh hle," a ti.

Zirtirtute pawhin naupangin an zah leh an ngaihsan thu an hriat a pawimawh a, an tawngkam leh cheziaah naupangte entawn an nih reng avangin an nunah dikna, rinawmnate tha taka vawng nung zel turin a chah bawk.

Member Secretary aiawhin Pi Jenny Thanhlupuii chuan nikum 2025 Teachers' Day hman dan report a pe.

Vawiina thutkhawm in a rel te:

1. Kumin Teachers' Day chu District chhung School tinin mahni School theuhah theih ang tawka uar taka lawm ni se.

2. Teachers' Day pual Message chu hmun langsar zualah Department thlan bikte leh  NGO ten Banner tar ni se.

3. School thlan bikah Teachers' Day lawmnaah hian Department thenkhat atangin Topic pawimawhah Awareness neih ni se, hemi atan hian DEO lamin ruahmanna siam ni se.

4. ⁠District Education Office buatsaiha Kumin Independence Day a District Award for Meritorious & Outstanding Teacher lawmman dawngtu; Govt Education Vaih Middle School Teacher Pi K Minary thlalak chu a LED screen ah Teachers Day pual hian tarchhuah nise .

5. ⁠National Fund for Teachers’ Welfare (NFTW) chungchang pawh rel niin Kum khatah zirtirtu tan cheng 300 thawh thin a ni a, nikum lamah sum thawh a awm mang lo tiin kuminah chuan Zirtirtute hmakhua ngaia sum thawh kawngah theihtawp chhuah zel tura ngen nise tih te a ni.

He thutkhawmah hian Sawrkar Department hotute bakah District chhunga NGO hrang hrang aiawhte an tel.