1915/2026-2027

Dated: Mamit the 24th of August,2026: Vawiin khan Dr. Lalrozama, IAS, Commissioner & Secretary, H&TE leh Mamit Electoral Roll Observer ni bawk chuan a vawihnihna atan Mamit tlawhin DC Conference Hall, Mamit-ah Mamit district a SIR 2026 hearing kalpui mek thlirhona neiin harsatna leh hmachhawp te sawi ho a ni.

Dr. Lalrozama chuan Mamit district a SIR hearing hlawhtling taka kalpui zel a ni chu lawmawm a tih thu sawiin election officials te leh NGO, political party leh khawtlang hruaitute thawhhona ṭha a lantir a ni a ti a. Ruahtui tam lai a nih angin in kalpawhnaah ERO, AERO leh BLO ten harsatna tam tak an tawka, chumi kara an mawhphurhna ṭha taka an hlen thei chu fakawm a tih thu a sawi. Mamit electoral roll Observer chuan NGO, political party leh khawtlang hruaitute chu hearing kalpui mekah hian an pawimawh hle a ni a ti a, dik leh fel takin hotuten hearing an kalpui em, inhrilhhriatna a ṭha tawk em tih thlenga lo hre tu an nih angin harsatna awmte chu a rang lama hotute hnena thlen turin a ngena, in ṭawiawm ṭhaa thawhhona ṭha neih zel turin a chah a ni.

Pu Suvigya S Chandra, District Bawrhsap leh DEO ni bawk chuan hun kaihruaiin he hmalakna pawimawh tak kalpui meka theihtawp chhuahtu election officials, NGO leh khawtlang hruaitute hnenah lawmthu sawiin thawhhona tha nei zel turin a chah.

Pu Lalnunfela Chawngthu, Election Officer chuan Mamit district a hearing kalpui mek chungchangah report pein harsatna liantham awm loin hlawhtling taka hearing kalpui mek a ni a ti. ERO te chuan report pein an harsatna te Observer hnenah an thlen.

Mamit District -ah hian  Polling Station 122 awmin, constituency pathum 1-Hachhek (ST) AC, 2 Dampa (ST) AC leh 3- Mamit (ST) AC te an awm a. SIR 2026 hearing kalpui mekah hian 

1. Form 6 - hnuaiah 

Thehlut: 2302

Pawm: 1377

Hnawl: 234

Endik mek: 691 

2. Form 7 hnuaiah 

Thehlut: 73

Pawm: 13

Hnawl: 1

Endik mek: 59

3. Form 8 hnuaiah

Thehlut: 1426

Pawm: 497

Hnawl: 57

Endik mek: 872  te an ni a, Final publication hi 7th September, 2026 a tlangzarh tur a ni ang.