3645/2024-2025

Siaha the 23rd December, 2024: Vawiin khan Good Governance Week, 2024 pualin District Level Workshop on Good Governance chu Siaha-ah neih a ni a, District Bawrhsap Pu VL Hruaizela Khiangte chu Khuallian niin Addl DC Pu Abraham Beirazi Khithie chuan he hun hi a kaihruai a ni. District chhunga Department thenkhatte bakah DC office staff-te nen he hun hi hman a ni.

Hun kaihruaitu Addl.DC Pu Abraham Beirazi Khithie chuan hun chep tak kara workshop buatsaih theih a ni chu lawmawm a tih thu a sawi a, mipuite tan service delivery-ah theihtawp chhuaha tang zel turin kalkhawmte a fuih a ni.

Khuallian Pu VL Hruaizela Khiangte chuan Good governance chu mipuite harsatna sukiang tura Sawrkar hnathawkten tha taka hna an thawh hi a ni, a ti. District inrelbawlnaah Deputy Commissioner pisa chuan mawhphurhna sang tak a nei tiin office dangte entawn leh rin ber an ni a, inchhuan phah nan emaw induh phah nan erawh hmang lo turin a chah. Mipuite tan theihtawp chhuah tur an ni a, inthlahdah a thiang lo tiin midang harsatna sukiangtu ni zel turin a chah hlawm a ni.

He hunah hian Deputy Commissioner Office in a Service Delivery chungchanga an hnathawh dante presentation ngaihthlak a ni bawk. Pu Vanlalchhuanliana SDO(s) chuan lawmthu sawinaa hun kharin, hun chep tak kara workshop chhim tu zawng zawngte hnenah lawmthu a sawi a, krismas leh kumthar lo awm tur atan duhsakna hlanin he workshop hun hi tihtawp a ni.

Good Governance Day hi kum 2014 atang khan Prime Minister hlui Pu Atal Behari Vajpayee piancham, December ni 25 denchhana hman thin niin kumin Good Governance Week hi December ni 19 - 24 chhunga hman a ni dawn a ni. ‎